Jorge Jesus: Benfica luajti me dinjitet, ishte turp që pësuam golin e tretë!

Trajneri portugez duke folur se në cilat kushte u zhvillua ndeshja, beson se në rrethin e dytë do të siguroje rezultat të mirë.

Trajneri i Benfikës Jorge Jesus beson se skuadra e tij e meritonte barazimin në rrethin e parë të ndeshjeve të UEFA Champions League kundër Zenit St. Petersburg e cila përfundoi me rezultat 3-2

Skuadra portugeze besoi se siguroi rezultat të mirë në rrugëtimin e tyre në Rusi kur Oscar Cardozo barazoi shifrat në minutën e 87-të, mirëpo ai gëzim zgjati vetëm një minutë kur edhe Roman Shirokov ngriti epërsinë për Zenitin, një epërsi e vogël për në ndeshjen e kthimit.

Trajneri Jesus tha se Benfica meritonte rezultat të mirë dhe theksoi se skuadra e tij është e aftë për ta mposhtur Zenitin në Estadio da Luz.

“Më keq se temperatura ishte fusha, Zenit është mësuar të luaj në kushte të tilla. Benfica luajti me dinjitet, ishte e turpshme që pësuam golin e tretë. Ende gjithçka është e hapur ne kemi të gjitha kushtet për ta mposhtur Zenitin para adhuruesve tanë. Ne po e lëmë Rusinë si humbës por jo të bindur. Pas asaj që bëmë sot, ne besojmë se do të ja dalim më tutje” ju tha mediave trajneri Jorge Jesus